1 
0 ઈડરની દિવ્યા સોલંકીએ ઇન્દિરા ગાંધી નેશનલ ઓપન યુનિવર્સિટી (IGNOU) માં ગોલ્ડ મેડલ મેળવી રાષ્ટ્રીય સ્તરે સિદ્ધિ હાંસલ કરી છે. અમદાવાદ ખાતે યોજાયેલા યુનિવર્સિટીના 39મા પદવીદાન સમારોહમાં તેમને આ સન્માન મળ્યું હતું.
જવાહર નવોદય વિદ્યાલય, વિરપુર (તા. ઇડર) ખાતે આર્ટ ટીચર તરીકે ફરજ બજાવતા શ્રી બી.એસ. સોલંકીની સુપુત્રી કુ. દિવ્યા સોલંકીએ રાષ્ટ્રીય સ્તરે ઝળહળતી સફળતા પ્રાપ્ત કરી છે. IGNOU (ઇન્દિરા ગાંધી નેશનલ ઓપન યુનિવર્સિટી) ના અમદાવાદ ખાતે યોજાયેલા 39મા પદવીદાન સમારોહમાં દિવ્યાએ BLIS (બેચલર ઓફ લાઈબ્રેરી ઇન્ફોર્મેશન સાયન્સ) માં સમગ્ર ભારતમાં પ્રથમ ક્રમ મેળવી ગોલ્ડ મેડલ હાંસલ કર્યો છે.
દિવ્યા સોલંકીએ BLIS (બેચલર ઓફ લાઈબ્રેરી ઇન્ફોર્મેશન સાયન્સ) અભ્યાસક્રમમાં સમગ્ર ભારતમાં પ્રથમ ક્રમ મેળવ્યો છે. તેઓ જવાહર નવોદય વિદ્યાલય, વિરપુર (તા. ઇડર) ખાતે આર્ટ ટીચર તરીકે ફરજ બજાવતા શ્રી બી.એસ. સોલંકીની સુપુત્રી છે.
દિલ્હી સેન્ટ્રલ યુનિવર્સિટી દ્વારા આયોજિત આ અભ્યાસક્રમમાં લાખો વિદ્યાર્થીઓ વચ્ચે દિવ્યાએ આ સ્થાન પ્રાપ્ત કર્યું છે. તેમની આ સિદ્ધિ બદલ સોલંકી પરિવાર તેમજ સમગ્ર સાબરકાંઠા જિલ્લાનું ગૌરવ વધ્યું છે. શૈક્ષણિક જગત અને સ્થાનિકો તરફથી તેમને અભિનંદન પાઠવવામાં આવી રહ્યા છે.
