1 
0 
હોળી ફક્ત રંગોથી રમવાનો દિવસ નથી, પણ પરિવાર સાથે સમય વિતાવવાનો, મજા કરવાનો અને સુંદર યાદો બનાવવાનો પણ દિવસ છે. ભારતમાં હોળીને ધાર્મિક મહત્વ સાથે મોજ-મજા અને ઉત્સવોના તહેવાર તરીકે પણ જોવામાં આવે છે. કૃષ્ણનગરીઓમાં હોળીને ધાર્મિક અને સાંસ્કૃતિક જોડાણની રીતે મનાવવામાં આવે છે તો શહેરોમાં હોળી-ધૂળેટીનો મોર્ડન ટચ જોવા મળે છે.
દરેક તહેવારને હોંશે હોશેં ઉજવતા ગુજ્જુઓ આ તહેવારને પણ પોતાની આગવી સ્ટાઈલથી ઉજવે છે. ગુજરાતના શહેરોમાં ધૂળેટીના દિવસે હોળી પાર્ટીઓનો રંગ જામશે.
હોળી પાર્ટી માટે દેશ-વિદેશના DJ ગુજરાતના મહેમાન બનશે અને આ પાર્ટીમાં હોળી રમવા માટે રંગરસિયાઓ 50 હજાર સુધી ખર્ચી નાખશે. અહીં પ્રાઇવેટ પૂલ, ઓર્ગેનિક કલર, વોટર ટેન્કર, રેઈન ડાન્સ, કલર શોર્ટસ, વોટર ડ્રમ્સ અને વોટર બલૂન્સ સાથે રંગોની છોળો ઉડશે.
તો કેટલીક હાઇફાઇ પાર્ટીમાં તો ગુજ્જુઓ ધૂળેટીમાં બેલી ડાન્સર્સ સાથે ભીંજાશે. તો આવો જાણીએ અમદાવાદ-સુરત-વડોદરાના ટોપ પાર્ટી વેન્યૂ અને પાસની કિંમત વિશે…
પિચકારી સ્પ્લેશ 2026 (શુભ ફાર્મ)
મકરબા વિસ્તારમાં આવેલા શુભ ફાર્મ ખાતે આયોજિત ‘પિચકારી સ્પ્લેશ’ શહેરની સૌથી ધમાકેદાર ઇવેન્ટ્સમાંની એક છે. આ પાર્ટી ખાસ કરીને યંગસ્ટર્સમાં લોકપ્રિય છે કારણ કે અહીં ઇન્ટરનેશનલ DJ AJAના તાલ પર ડાન્સ કરવાનો મોકો મળે છે. અહીં માત્ર ઓર્ગેનિક અને હર્બલ રંગોનો જ ઉપયોગ કરવામાં આવે છે, જેથી સ્કિનને કોઈ પણ પ્રકારનું નુકસાન ન થાય. સ્વિમિંગ પૂલ અને હાઇ-ટેક રેઈન ડાન્સ સિસ્ટમ આ પાર્ટીનું મુખ્ય આકર્ષણ છે.
સનબર્ન હોળી (ક્લબ બેબીલોન)
જો તમને મ્યુઝિક ફેસ્ટિવલનો શોખ હોય, તો એસ.પી. રિંગ રોડ પર આવેલું ક્લબ બેબીલોન શ્રેષ્ઠ સ્થળ છે. અહીં ‘સનબર્ન’ બ્રાન્ડ હેઠળ મોટા પાયે હોળી સેલિબ્રેશન થાય છે, જેમાં દેશના જાણીતા DJs ઇલેક્ટ્રોનિક ડાન્સ મ્યુઝિક (EDM) અને બોલિવૂડ રિમિક્સ પીરસે છે. આ જગ્યા તેના પ્રીમિયમ ક્રાઉડ અને શાનદાર ફૂડ કાઉન્ટર્સ માટે જાણીતી છે. અહીં સુરક્ષા અને વ્યવસ્થા ખૂબ જ ચુસ્ત હોય છે, જે તેને ગ્રુપ્સ માટે સુરક્ષિત બનાવે છે.
નિયોન હોળી ફેસ્ટ (સ્નેપર ફિલ્મ સિટી)
કંઈક અલગ અનુભવ કરવા માંગતા લોકો માટે સ્નેપર ફિલ્મ સિટી ખાતે ‘નિયોન હોળી ફેસ્ટ’નું આયોજન કરવામાં આવે છે. આ પાર્ટી મોટા એર-કન્ડિશન્ડ (AC) ડોમની અંદર યોજાય છે, જેથી તમારે ગરમીની ચિંતા કરવાની રહેતી નથી. અંધારામાં ચમકતા નિયોન રંગો અને સ્પેશિયલ UV લાઈટ્સ હેઠળ ડાન્સ કરવાનો અનુભવ અદ્ભુત હોય છે. આ ઉપરાંત, અહીં લાઈવ ઢોલ અને પંજાબી મ્યુઝિકનો તડકો પણ માણવા મળે છે.
બલમ પિચકારી 4.0 (શંકુશ ફાર્મ)
ગોતા વિસ્તારમાં આવેલું શંકુશ ફાર્મ ફેમિલી અને મિત્રો સાથે હોળી રમવા માટે જાણીતું છે. આ વર્ષે તેમની ‘બલમ પિચકારી’ ઈવેન્ટની ચોથી સીઝન (4.0) છે. અહીં હોળીની સાથે કાર્નિવલ જેવો માહોલ હોય છે, જેમાં સેલ્ફી ઝોન, બાળકો માટે ગેમ્સ અને જાદુના પ્રયોગો જેવા આકર્ષણો રાખવામાં આવ્યા છે. ખાણીપીણીના શોખીનો માટે અહીં ગુજરાતી અને પંજાબી વાનગીઓના અનેક સ્ટોલ્સ ઉપલબ્ધ હોય છે.
એક્વા હોળી ફેસ્ટ (યશ ફાર્મ રિસોર્ટ)
વસ્ત્રાલ બાજુ રહેતા લોકો માટે યશ ફાર્મ રિસોર્ટ ખાતે યોજાતો ‘એક્વા હોળી ફેસ્ટ’ બેસ્ટ છે. નામ પ્રમાણે જ અહીં પાણીની રમતો પર વધુ ભાર મૂકવામાં આવે છે. મોટા સ્વિમિંગ પૂલની સાથે વોટર સ્લાઈડ્સ અને સતત ચાલતો રેઈન ડાન્સ લોકોને આકર્ષે છે. આ ઇવેન્ટ ખાસ કરીને એવા લોકો માટે છે જેમને પાણીમાં પલળીને હોળી રમવી વધુ ગમે છે.
ગ્રાન્ડ હોળી વેવ્સ (સેવાના પાર્ટી પ્લોટ)
શેલા વિસ્તારમાં આવેલું આ સ્થળ શહેરના સૌથી લાંબા હોળી સેલિબ્રેશન માટે જાણીતું છે. અહીં ફોમ ડાન્સ (Foam Dance) અને લાઈવ નાસિક ઢોલનું ખાસ આયોજન હોય છે. DJ ઓલી એસી (Olly Esse) જેવા જાણીતા કલાકારો અહીં પર્ફોર્મ કરવાના છે. અહીં બે પ્રકારના પાસ ઉપલબ્ધ હોય છે – એક માત્ર એન્ટ્રી માટે અને બીજો ‘ફૂડ પાસ’ જેમાં અનલિમિટેડ લંચની સુવિધા હોય છે.
હોળી પૂલ પાર્ટી (એરિસ્ટો રિસોર્ટ એન્ડ ક્લબ)
ગોતા વિસ્તારમાં એરિસ્ટો રિસોર્ટ ખાતે છેલ્લા 8 વર્ષથી આ પૂલ પાર્ટીનું સફળ આયોજન થઈ રહ્યું છે. જો તમારે મિત્રો સાથે રિસોર્ટ જેવો અનુભવ લેવો હોય તો આ બેસ્ટ છે. અહીં મોટો સ્વિમિંગ પૂલ, બલૂન ફાઈટ (પાણીના ફુગ્ગાની લડાઈ) અને નોન-સ્ટોપ બોલિવૂડ મ્યુઝિક પીરસવામાં આવે છે. આ જગ્યા તેના શિસ્તબદ્ધ અને પ્રીમિયમ ક્રાઉડ માટે જાણીતી છે.
હની કી હોળી / વેવ્સ પૂલ પાર્ટી (પામ ગ્રીન્સ ક્લબ)
બારેજા પાસે આવેલી આ ક્લબ તેના વિશાળ વેવ પૂલ (કૃત્રિમ મોજા વાળો પૂલ) માટે પ્રખ્યાત છે. અહીં સાદા પાણીને બદલે દરિયા જેવા મોજામાં હોળી રમવાનો આનંદ મળે છે. અહીં લાઈવ સિંગિંગ પર્ફોર્મન્સ અને કિડ્સ ઝોનની પણ સુવિધા હોય છે, જે તેને ફેમિલી માટે ઉત્તમ બનાવે છે.
રંગરેવ 2026 (એમ. કે. ફાર્મ હાઉસ)
આ પાર્ટી ખાસ કરીને ‘બોલિવૂડ x પંજાબી’ થીમ પર આધારિત હોય છે. જો તમને ભાંગડા અને હાઈ-એનર્જી પંજાબી મ્યુઝિક ગમતું હોય, તો આ સ્થળ તમારા માટે છે. અહીં મોટા કલર બ્લાસ્ટ અને ફેસ્ટિવલ સ્ટાઈલ સેટઅપ જોવા મળે છે.
હોળી ફિયેસ્ટા 2.0 (વૃંદાવન પ્રીમિયમ લોન)
બોડકદેવ વિસ્તારમાં આવેલું આ સ્થળ શહેરની મધ્યમાં હોવાથી ખૂબ જ લોકપ્રિય છે. અહીં પરંપરાગત હોળી અને આધુનિક પાર્ટીનું મિશ્રણ જોવા મળે છે. અહીં ઓર્ગેનિક ગુલાલ અને રેઈન ડાન્સની સાથે સ્પેશિયલ VIP લાઉન્જની પણ વ્યવસ્થા હોય છે.
હોળી બેશ 2026 (હિલડીપ ફાર્મ)
એરપોર્ટ નજીક નારાયણી હાઇટ્સ પાસે આ ઈવેન્ટ યોજાય છે. શહેરના ઘોંઘાટથી દૂર ખુલ્લા ફાર્મમાં હોળી રમવાનો અનુભવ અહીં મળે છે. લાઈવ સિંગિંગ અને પૂલ પાર્ટી અહીંના મુખ્ય આકર્ષણો છે.
બ્રજ વાઈબ્સ (ગ્રીન પ્લેસ)
જો તમારે મથુરા-વૃંદાવન જેવી પારંપરિક હોળીનો અનુભવ કરવો હોય, તો સિંધુ ભવન રોડ પાસે આવેલા ગ્રીન પ્લેસ ખાતે આ ‘ગ્રાન્ડ હોળી કાર્નિવલ’ નું આયોજન કરવામાં આવ્યું છે. અહીં ફૂલોની હોળી (Phoolon Ki Holi) અને લાઈવ સાંસ્કૃતિક પર્ફોર્મન્સ મુખ્ય આકર્ષણ છે. આ ફેમિલી અને વડીલો માટે પણ ઉત્તમ સ્થળ છે.
ધ હોલી કલ્ચર (મીટ પાર્ટી પ્લોટ)
એસ.જી. હાઈવે પર મીટ પાર્ટી પ્લોટ ખાતે આ ઈવેન્ટ યોજાશે, જે તેની યુનિક ડેકોરેશન થીમ માટે જાણીતી છે. અહીં મોટા પાયે કલર બ્લાસ્ટ (Color Blast) અને હાઈ-એનર્જી DJ સેટઅપ જોવા મળશે. ખાસ કરીને કોલેજ જતી યુવા પેઢીમાં આ સ્થળ વધુ પ્રચલિત છે.
રંગરસીયા 2026 (ફન્ગ્રિટો)
ન્યૂ સાયન્સ સિટી રોડ પર આવેલા ફન્ગ્રિટો ખાતે આ ધમાકેદાર પાર્ટીનું આયોજન છે. અહીં જાણીતા DJ Diva પર્ફોર્મ કરવાના છે. બોલિવૂડ અને EDM મ્યુઝિકના મિશ્રણ સાથે અહીં ડાન્સ ફ્લોર અને સ્વિમિંગ પૂલની સુવિધા પણ છે. ટિકિટ દર 199થી શરૂ થાય છે.
ધ રંગ એક્સપિરિયન્સ (ક્લબ O7)
શેલા વિસ્તારમાં આવેલી ક્લબ O7 ખાતે બોલિવૂડ એક્ટર અને DJ અલી મર્ચન્ટ (Ali Merchant) લાઈવ પર્ફોર્મન્સ આપશે. આ એક લક્ઝરી હોળી પાર્ટી છે, જ્યાં પ્રીમિયમ રેઈન ડાન્સ સેટઅપ અને સ્પેશિયલ ફૂડ મેનૂ રાખવામાં આવ્યું છે.
રંગહોલી (YMCA ઇન્ટરનેશનલ સેન્ટર)
એસ.જી. હાઈવે પર આવેલું YMCA સેન્ટર દર વર્ષે તેની ભવ્યતા માટે જાણીતું છે. અહીં સેંકડો નાસિક ઢોલ સાથે રંગોત્સવ મનાવવામાં આવે છે. સેલિબ્રિટી DJs અને સ્પેશિયલ VIP સેક્શન આ પાર્ટીને ખાસ બનાવે છે.
આધ્યાત્મિક હોળી (હરેકૃષ્ણ મંદિર ભાડજ)
જો તમારે રંગો અને ઘોંઘાટથી દૂર ભક્તિમય વાતાવરણમાં હોળી મનાવવી હોય તો ભાડજ ખાતેનું હરેકૃષ્ણ મંદિર શ્રેષ્ઠ છે. અહીં ઠાકોરજી સાથે હોળી રમવાનો ઉત્સવ, ભજન અને કીર્તનનું આયોજન હોય છે. અહીં કેમિકલવાળા રંગોનો ઉપયોગ થતો નથી.